ტრენინგზე "პროექტზე დაფუძნებული სწავლება და ინფორმაციულ-საკომუნიკაციო ტექნოლოგიების ინტეგრირება", თქვენ გაეცნობით, თუ როგორ შექმნათ ტექნოლოგიებით გამდიდრებული სასწავლო პროექტები.
პროექტები შესაძლებლობას იძლევა, სასწავლო აქტივობები დაუკავშირდეს ავთენტურ და ცხოვრებისეულ კონტექსტს, მოსწავლეებს განუვითაროს მაღალი დონის სააზროვნო უნარები და გაზარდოს სასწავლო პროცესში მოსწავლეთა ჩართულობა.
პროექტებით სწავლა მოსწავლისგან და
მასწავლებლისგან დიდ შრომას მოითხოვს. თუმცა მიღებული შედეგი ძალისხმევას სავსებით
ამართლებს.
§ მოსწავლეები
უფრო მეტად არიან ჩართული და დაინტერესებული შინაარსის სწავლით, ვინაიდან
იგი მათ ცხოვრებასთან არის დაკავშირებული.
§ მოსწავლეებს
უფრო ღრმად ესმით ის, რასაც სწავლობენ, რადგან ისინი რეალურად და გააზრებულად
იყენებენ ცნებებს და უნარ-ჩვევებს.
§ თანატოლებთან
და თემის წევრებთან ერთად მუშაობისას მოსწავლეები იძენენ თანამშრომლობის
მნიშვნელოვან უნარ-ჩვევებს, რაც მათ ზრდასრულ ასაკში გამოადგებათ.
§ მოსწავლეები
ივითარებენ საკუთარი თავის მართვის უნარ-ჩვევებს, როგორიცაა დროის მართვა,
დაგეგმვა და თვითშეფასება.
